Tsiala Mikava

მატარებელზე ეწერა თურმე, ქართველები მიდიან ყამირის ასათვისებლად ყაზახეთში, добровольцы эдут из грузии на целину. სინამდვილეში მერე სხვადასხვა რაიონებიდან ჩამოვიდნენ იქ მუშები ვითომ სამუშაოდ, მარა რომ ვერ ნახეს მერე პირობები და ეს ასეთი პროპაგანდა რომ იყო, ისევ გაბრუნდნენ. იმიტომ რომ პირობები არ იყო, წყალი არ იყო, ერთი არხი იყო გაყვანილი და იმ არხიდან ვსვამდით წყალს. სირდარიის წყალი იყო,ზამთარში იყინებოდა, სრიალებდნენ ყინულზე. ერთი ამოტეხილი იყო და იქიდან ვსვამდით წყალს. ზამთარში კრიალა იყო და ზაფხულში იყო სულ ქვიშა, არეული, სასწაული. ერთ ვედრო წყალს რომ დადგამდი, ნახევარი სილა დაისილებოდა და მერე ვსვამდით იმ წყალს.

იქ ვიყავით სტალინი რომ მოკვდა და ყველა ტიროდა, ყველა ნაციის, არც ერთი ადამიანი არ იყო მართლა რომ არ ტიროდა. ჩვენც ვტიროდით, რა საკვირველია.სტალინი მაინც გვიყვარდა, ხო გაგვასახლეს, მარა მაინც გვიყვარდა როგორც ბელადი. ვაგონში რომ ვიჯექით მატარებელში, ვმღეროდით სტალინზე და ბერიაზე სიმღერებს.

ასე ამბობდნენ, სტალინმა საქართველოდან იმიტომ გაასახლა ქართველები, რომ სხვა რესპუბლიკებიდან რომ გაესახლებინა, მაშინ ნაციონალისტობას დააბრალებდნენ და, პირველ რიგში, ქართველები გაასახლა. მერე ბელორუსიიდან ჩამოვიდნენ, ჩვენისთანები ჩამოიყვანეს, უკრაინიდანაც იყვნენ, მარა პირველი საქართველოდან იყო. აი, ეს იყო მიზეზი, რომ ასათვისებელი იყო იქ სინამდვილეში ყამირი და მიზეზად იყო ეს.